Ashish kumar

My article in today's Bluechip
The weekly newspaper

આઈઆઈપી આકડા, ઇન્ફી નું પરિણામ, હેવી-વેટ શેરો ના તોફાન છતાં રેંજ નાની 

સોમવાર ના રોજ 6042 નું ઊંચું સ્તર જોવાયા બાદ સમગ્ર સપ્તાહ દરમ્યાન નિફ્ટી સ્પોટ 5940 થી 6042 ની 100 પોઈન્ટ ની રેંજ માં જ રહ્યું છે. આઈઆઈપી આંકડા, ઈન્ફોસીસ નું ત્રિમાસિક પરિણામ, ડીઝલ સબસીડી નો નિર્ણય વગેરે મહત્વ ની બાબતો આખા અઠવાડિયા દરમ્યાન બજાર માં ચર્ચાતી રહી. ટાટા મોટર ના બે દિવસ ના કુલ 7% જેટલા નો ઉછાળો, ઈન્ફોસીસ નો છેલ્લા દિવસ નો 16% નો ઉછાળો, ઓએનજીસી નો 6% ના ઉછાળા બાદ નો 3% નો ઘટાડો, વિપ્રો નો 6% નો ઉછાળો, ટીસીએસ નો 4% નો છેલ્લા દિવસ નો સુધાર, આ બધા તોફાનો છતાં ઇન્ડેક્ષ આ 80 પોઈન્ટ ની રેંજ માં જ અફ્ડાતો રહ્યો.

5835 સુધી ના ઘટાડા માટે માનસિક રીતે તૈયાર રહો

નિફ્ટી ની 100 અને 200 દિવસ જેવી મહત્વ ની એવરેજો હાલ માં અનુક્રમે 5680 અને 5415 છે. 5975 નું હાલ નું નિફ્ટી સ્પોટ નું આ સ્તર જોતા એ તો નક્કી કે હાલ ના તબક્કે ટ્રેડરે 5835 સુધી ના (50 દિવસ ની એવરેજ) ઘટાડા માટે માનસિક રીતે તૈયાર રહેવું જોઈએ. આરએસઆઈ, એમએસીડી અને અપવર્ડ સ્લોપીંગ ચેનલ જેવા ટેકનીકલ પેરામીટર માં પણ નિફ્ટી માં 6000 ની ઉપર ના સ્તરો પર વેચવાલી જોવાઈ છે. સેન્સેક્ષ માં અપવર્ડ ચેનલ માં 19900 મોટો અવરોધ હોઈ, આગામી સપ્તાહે નિફ્ટી સ્પોટ નું 6000 ની ઉપર ના સ્તરે જળવાઈ રહેવું મુશ્કેલ છે.

વધતો ડોલર ચિંતા નો વિષય

હાલ ની તેજી નો વ્યાપ 2010 કરતા બહોળો રહ્યો છે. નિફ્ટી ઉપરાંત, બેંક શેરો, સીએનક્ષ 100, સીએનક્ષ 500, મિડકેપ 50, નિફ્ટી જુનિયર, ઇન્ફ્રા શેરો અને 2013 ની શરૂઆત માં બાકી હતું તે ઓઈલ શેરો માં પણ લેવાલી જોવાઈ. પરંતુ, જુલાઈ માસ ના 5200 ના નિફ્ટી ના આંક વખતે પણ ડોલર રૂપિયા ની સામે 55 ના સ્તર પર હતો, તો હાલ માં 6000 ના નિફ્ટી ના આંક માં પણ ડોલર રૂપિયા ની સામે 55 આસપાસ સ્થિર છે. એ વાત સાચી કે જાપાન અને અમેરિકા ના બજારો માં અગાઉ કરન્સી ના ઘસારા છતાં અર્થતંત્ર અને તેને પગલે શેર બજારો માં સુધાર જોવાયા છે. પરંતુ, આ દેશો ની નિકાસો તેમના વિકાસ નું ચાલક બળ હોઈ, ઘસાતી કરન્સી નિકાસો ને પ્રોત્સાહિત કરે. જયારે આપણી વિદેશ વેપાર ખાધ ને જોતા વધતો ડોલર આપણા માટે ચિંતા નો વિષય છે. અહી એ નોધવું રહ્યું કે છેલ્લા એક વર્ષ માં ડોલર ઇન્ડેક્ષ માં કોઈ ખાસ મોટો સુધાર જોવાયો નથી. હમણાં હમણાં તો ડોલર યુરો ની સામે ઘસાયો છે, છતાં પણ રૂપિયા સામે ની તેની સ્થિરતા જળવાઈ રહી છે. અગર યુરો ની વાત કરીએ તો યુરો તો રૂપિયા સામે તેના ઐતિહાસિક ઊંચા સ્તર 73 આસપાસ જોવાયો છે. ભલે 2011 ની સરખામણીએ રૂપિયો સ્થિર રહ્યો હોય, પરંતુ, અન્ય વૈશ્વિક કરન્સી (જાપાનીઝ યેન ને બાદ કરતા) ની સરખામણીએ રૂપિયો ઘસાયો છે. 

ડોલર નું 55.45 નું સ્તર નિર્ણાયક 

આ લખાય છે ત્યારે ડોલર રૂપિયા સામે 54.75 આસપાસ જોવાયો છે. છેલ્લા પાંચેક અઠવાડિયા થી ડોલર રૂપિયા સામે 55.45 ની ઉપર ટકવા માં સફળ રહ્યો નથી. આમ, હવે રૂપિયા ના સુધાર માટે ડોલર નું આ સ્તર થી નીચે રહેવું અગત્ય નું છે. ગયા અઠવાડિયા નો નીચો ભાવ 54.16 તૂટે તો હવે 53.45 સુધી ના રૂપિયા ના સુધાર ની શક્યતા ગણી શકાય.

બેન્કિંગ શેરો માં હજી પણ સુધાર ની શક્યતા

ગયા વર્ષ દરમ્યાન બેંકનિફ્ટી માં 45 ટકા નો સુધાર નોધાયો છે. એક્ષિસ, આઈસીઆઈસીઆઈ, એચડીએફસી અને એસબીઆઈ જેવા ઇન્ડેક્ષ હેવી-વેટ શેરો માં 40 થી લઇ ને 60 ટકા સુધી ના વાર્ષિક ઉછાળા જોવાયા છે. તેની સરખામણીએ સેન્ટ્રલ બેંક, કોટકબેંક, બેંક ઓફ બરોડા માં હજી પણ સુધાર નો આશાવાદ છે.

ટ્રેડીંગ સ્ટોક્સ: ટાટા સ્ટીલ અને જેએસડબ્લ્યુ

હાલ ની તેજી માં ટીસ્કો અન્ય શેરો ની સરખામણી એ સ્થિર રહ્યો છે. જયારે જેએસડબ્લ્યુ માં કોઈ ખાસ સુધાર જોવાયો નથી. આ બન્ને શેરો 3 થી 5 ટકા ના નફા માટે ટૂકા ગાળા ના ટ્રેડીંગ માં શ્રેષ્ટ છે.

ચાંદી: 59740 મોટો અવરોધ

ચાંદી દિવસ દરમ્યાન 700 થી 1000 પોઈન્ટ ની વધઘટ બતાવતી રહી છે. પરંતુ, સાપ્તાહિક દ્રષ્ટિએ જોઈએ તો આ અઠવાડિયે પણ 58000, ગયા અઠવાડિયે પણ 58000 અને એન પહેલા ના અઠવાડિયે પણ 58000. દિવસ દરમ્યાન ની મોટી વધઘટ છતાં સોના ની સરખામણીએ ચાંદી ટ્રેડીંગ માટે વધુ સલામત વિકલ્પ છે. યુએસ સ્પોટ નો સાપ્તાહિક ચાર્ટ જોતા ચાંદી માં 31.40 ડોલર નો મોટો અવરોધ છે અને છેલ્લા ત્રણ અઠવાડિયા દરમ્યાન આ અવરોધ પાર કરવા માં ચાંદી સફળ રહી નથી. આ લખાય છે ત્યારે યુએસ સ્પોટ માં 30.60 આસપાસ રહેલ ચાંદી માં હવે 29.25 ડોલર મહત્વ નો ટેકો છે. જયારે MCX માર્ચ વાયદા માં ચાંદી માં 59760 મોટો અવરોધ કહી શકાય. જ્યાં સુધી આ અવરોધ ની ઉપર નો બંધ ન જોવાય ચાંદી 57440 થી 59760 ની આ 2300 પોઈન્ટ ની રેંજ માં જ ગણી શકાય.

કોપર: 22 મહિના ની તેજી ને બ્રેક

આ લખાય છે ત્યારે કોપર ફેબ્રુઆરી વાયદા માં 447.60 આસપાસ જોવાયું છે. 11 મહિના ના 25 ટકા જેટલા મોટા ઘટાડા બાદ કોપર માં 22 મહિના તેજી જોવાઈ છે. પરંતુ, ગયા આખા અઠવાડિયા દરમ્યાન કોપર 451 ની ઉપર બંધ રહેવા માં સફળ રહ્યું નથી. આમ, હવે 447 નીચે નો સાપ્તાહિક બંધ આવતા વેચવાલી જોવાવાની શક્યતા વધારે છે.

ક્રુડ: 5180 મોટો અવરોધ 

સતત પાંચ અઠવાડિયા ની તેજી પછી ક્રુડ ના સુધાર ને અઠવાડિયે બ્રેક લાગેલી જણાય છે. યુએસ સ્પોટ માં ક્રુડ તેના છેલ્લા પાંચ મહિના ના 93 ડોલર ના અવરોધ ને પાર કરવા માં સફળ તો રહ્યું. પરંતુ, ગુરુવાર ના રોજ જોવાયેલ સુધાર માં 94.50 ડોલર થી આ સુધાર ની પીછેહઠ રહી. પરંતુ, ક્રુડ હજી પણ 90 ડોલર ની ઉપર ટકેલું હોઈ, તેમાં અંડર-ટોન તેજી નો છે. MCX જાન્યુઆરી વાયદા માં 5180 મોટો અવરોધ હોઈ, આગળ ની તેજી માટે ક્રુડ નું 5185 ની ઉપર નું બંધ આવવું આવશ્કય છે. 5142 ની નીચે ની ચાલ ક્રુડ માટે 5003 અને 4982 સુધી ના ઘટાડા લાવી શકે.